Dodana: 15 styczeń 2009 12:46

Zmodyfikowana: 15 styczeń 2009 12:46

Verda-lazura lando

La podlaĥia vojevodio. LA VERDA-LAZURA LANDO. La mistera, bela, unika kaj eksterordinare gastama. Multego da verdo kaj lazuro en ĝi.

Oni povas trovi VERDON ĉie. La verda, bronza koloroj estas "naturaj" koloroj - iliaj diversaj tonoj ni trovos en la naturrezervejoj, kies nombro en la podlaĥia vojevodio egalas al okdek kvin.

La loĝantoj de la LANDO estas bonkoraj homoj je serena humoro - ofte kun artista  animo - plene malfermita al ĉiuj. Multaj el ili, en malgrandaj folklorartaj metiejoj, kreas tradiciajn duvarpajn teksaĵojn, argilajn ujojn, lignajn skulptaĵojn aŭ forĝartajn produktojn. La turistoj estas ĉi tie bonvenigataj.

Estas lazuraj ... lagoj kaj riveroj ne nur somere kaj ne nur por ĝojigi fiŝhokantojn pro sukcesa fiŝkaptado. Lazuro "instigas" ĉiun el ni al  aeraj vojaĝoj, ekzemple per multkolora aerostato. Atingoj de niaj aerostataj sportistoj estas ĝenerale konataj kaj apreciataj enlande kaj eksterlande.

La eksterordinareco de la loko kaj koreco de la loĝantoj kaŭzas, ke sufiĉas unufoje viziti la VERDAN-LAZURAN LANDON, por regule reveni ĉi tien.

Ni invitas vin ...

facebook